2014-05-05

2014/05/06 – Press Hardening prozesuak: prentsako karga eta deskarga lanen gaineko kontzeptu berriak

Helburua da pieza bat press hardening prozesurako instalazio osoan zehar transferitzeko beharrezkoak diren denborak gutxitzea.

Fagor Arrasate event: 2014/05/06 – Press Hardening prozesuak: prentsako karga eta deskarga lanen gaineko kontzeptu berriak

Prozesuari press hardening, hot forming edo beroko estanpazioa deitzen zaio eta hori diogunean, beti, altzairu xafla bat konformatu eta aldi berean ezaugarri metalografikoak (22MnB5) eraldatzen dizkion teknologia bati buruz ari gara. Horretarako, aurretik metalezko xafla berotu egiten da 900ºC-ko tenperaturan, erabateko eraldaketa austenitikoa lortzeko eta konformaziorako estaziora eramateko (prentsa+trokela), han aldi berean pieza trokelean itxita hozteko.


Prentsaren inguruko zelularen konfigurazio orokorretik abiatuta,urrats bakoitzean aztertu beharreko lehen puntua labeko erdiratze mahaiaren eta prentsaren beraren posizio erlatiboa da.  Hainbat faktoreren arabera prentsa labearekin lerrokatuta konfiguratu daiteke edo labeko erdiratze mahaiarekin 90º-ko angelua eginez, labearekiko perpendikular jarrita.


Prentsako karga eta deskarga lanetarako lehen transferentzia mota robot komertzialen erabilera izan ohi da.  Ekipamendu horiek duten abantaila da oso frogatuta daudela, oso lan baldintza txarretan ere bai (esaterako forjan) Bai mantentze lanetako ekipamenduak bai ingeniaritzakoak ere ohituta daude beraien ezaugarrietara, eta horregatik erraz industrializatu daitezke instalazioaren diseinu fasean, eta erabilera eta mantentze lanetarako ere.


Kadentzia handiagoak bilatzeak sistema robotizatu konplexuagoak (adibidez, bikoitzak) edo erabat desberdinak diren beste transferentzia sistema batzuk ezartzera behartzen du.


Lortu daiteke mugimendua hau baino ez izatea: elementu bien arteko translazio mugimendu lineal nagusia bat eta gora eta beherako bigarren mugimendu bat jasotzeko.   Fagor LR3120 feederrak, gainera, beste abantaila bat ere badauka, mugimendu nagusian orga teleskopikoa edukitzea, alegia. Horri esker, eragintza nagusiaren abiadurak areagotu egiten dira eta, horrez gain, talka arazoak minimizatu ere bai, pintzak daramatzaten atzaparrek ezin baitute azkeneraino heldu, ibilbidearen bi muturretan. Elikatzeko sistema horiekin abiadura handiak lortzen dira.


Hotzeko estanpazioan erabili ohi diren transfer sistemen aldean, trokelaren alde bietan luzetarako bi barra baitituzte alboetan, Hotteknikek lau unitate independente eta barra zatituak dituzten transfer sistemak integratzen ditu, eta sistema horiekin karga eta deskarga bakoitza bere aldetik kontrolatu daitezke, bereziki eragiketa bien eta prentsaren beraren artean bat etortzeak optimizatuta.   


Osagaien prestazioak azken emaitzarako funtsezkoak badira ere, kadentziari dagokionez arreta berezia egin behar zaio mugimendu erlatiboen sinkronizazioari.  Era berean, transferentzia sistemaren eta prentsa hidraulikoaren arteko elkarketa optimizatu ahal izatea bilatzen badugu, beharrezkoa da prentsa hidraulikoak ziklo itxiko kontrol sistema bat edukitzea, une oro bere posizioa ziurtatu ahal dezagun.  Bestela, mugimendu erlatiboen arteko segurtasun marjinak handitzera behartuta ikusiko gara, multzoaren efizientziaren kaltetan. 

Artikulu hau zuretzat interesgarria izan badaiteke, erregistratu esteka honetan eta “Piezen manipulazioa beroko estanpaziorako lerroetan: Prentsako karga-deskarga lanak” izeneko dokumentu osoa deskargatu ahal izango duzu.