Laser bidezko ebaketa lerroa

Bezeroengan pentsatutako materialak konformatzeko soluzioak hornitzen 60 urte baino gehiagoko esperientziarekin, FAGOR ARRASATE munduko liderretako bat bihurtu da ebaketa lerroen diseinuan eta fabrikazioan. Merkatuko eskakizun berriei jarraituta, laser bidez ebakitzeko teknologia duen gure ebaketa lerro berria merkaturatzen ari gara.

Teknologia berri horrekin malgutasun handiagoa lortu daiteke ohiko prentsako ebaketaren aldean.

• Ekoizpena ez da eteten: trokelik behar ez duenez, ekoizpen aldaketa ia berehala egiten da; errezeta berria aukeratu baino ez da egin behar.
• Malgutasun handiagoa: geometría konplexuak dituzten piezen fabrikazioa.
• Material asko: altzairua, altzairu herdoilgaitza eta aluminioa landu daitezke.
• Ekoizpen kostuak murrizten dira: bobinaren erabilera egokiarekin, hondakin gutxiago egiten da.
• Egokikortasun handiagoa: edozein unetan edozein pieza ekoitzi daiteke, laser bidezko ebaketarako instalazio bat edukiz gero (trokelen erabilera kenduta).
• Instalazio kostuaren murrizketa: tokian obra zibil gutxiago, lerroa trinkoagoa delako eta eraikin alturik behar ez duelako. Lerroak ez du hobirik edo garabirik behar troke aldaketetarako.
• Leku gutxiago: trokel sortak gordetzeko lekurik ez da behar.

FAGOR ARRASATEren laser bidezko ebaketa lerroek kalitatea eta produktibitatea hobetzeko teknologia daukate:

• Pieza landugabearen kalitate egokia bermatzeko lautzeko makina bat.
• Geure nesting softwarea.
• Laser buruak, 6kW-ra arteko potentzia jasaten dutenak, auto barruko eta kanpoko panelak zein beste industria batzuetarako panelak ekoizteko.
• Garraiagailu teleskopiko bat, laser buruarekin etengabe sinkronizatuta.
• Detekzio eta konpentsazio sistema bat, bandaren desbiderapena etengabe neurtzeko eta laser buruan desbiderapen hori konpentsatzeko.
• Pilatzeko sistema malgu bat, pieza erreferentzia guztietarako.