SHARINGYOURCHALLENGES
Sektoreak
Teknologiak
Hasiera / Guri buruz
Munduko industria sektorerik zorrotzenak ekipo ondasunez hornitzen 60 urte baino gehiagoan aritu ondoren, FAGOR ARRASATEn berrikuntzara eta etengabeko hobekuntzara bideratuta garapenak egin ditugu, eta horri esker hauen diseinuko eta fabrikazioko teknologietan aitzindarietako bat bihurtu gara:
6.300 kN-tik 120.000 KN-ra arteko ahalmenak dituzten prentsa mekanikoak zein hidraulikoak eraikitzen ditugu. Era berean, bereziki prestatuta gaude estanpatze sistema osoak hornitzeko, prentsa ez ezik beharrezkoak diren periferiko guztiekin (elikadura lerroa, transferra, robotizazioa, trokelak, etab.), gure bezeroei giltza eskurako sistema integratuak eta egiaztatuak eskaintzeko.
2.650 mm-ra arteko zabalera eta 0,05 mm-tik 30 mm-ra arteko lodierak dituzgen duten bobinak prozesatzeko ebaketa lerroak. Bobinen pisuak 50.000 Kg-koak ere izan daitezke. Era berean, formatuak prozesatzeko ekipoak eraikitzen ditugu.
Hozkailu, garbigailu, ontzi garbigailu, sukalde, etxetresna elektriko txikietarako piezen manufakturan espezializatutako era guztietako makinak, lerroak eta ekipoak diseinatzen, instalatzen eta pres jartzen ditugu. Altzari metalikoetako, eraikuntzako, industria elektrikoko pieza berezietarako ere bai. Hori dena puntzonaketa, tolesketa, profilaketa, soldadura, clinch loturetako teknologia desberdinak eta dagozkien automatismoak bateratuz.
Mundu mailan, xafla metalikoa lantzeko produktu propioen katalogorik zabalena duen enpresa gara, eta horri esker merkatuan dauden soluziorik aurreratuenak, hoberen koordinatuak, efizienteenak eta lehiakorrenak integratu eta proposatu ditzakegu.
Gure bezeroen erronkak beraiekin partekatuta eta gureak balira bezala hartuta, FAGOR ARRASATEn gure instalazioen efizientzia, produktibitatea, malgutasuna eta fidagarritasuna areagotzearen alde egiten dugu, balio erantsirik handiena emanda, gero eta zorrotzagoa den merkatu baten premiak asetzeko.
65 urte baino gehiagoko historia, 1957an sortua
750 profesional mundu osoan
200 milioi euro baino gehiagoko negozio bolumena
Presente 60 herrialde baino gehiagotan
6 ekoizpen eta muntaketa lantegi Europan, Asian eta Amerikan
Fakturazioaren %3 I+Dn inbertituta
MONDRAGON Korporazioa, Europako industri korporazio handienetakoa, sortu zutenetako bat da FAGOR ARRASATE. MONDRAGON lankidetzan oinarritutako proiektu bat da, non pertsonak elkarlanean arituta beren esfortzuak eta lana batzen dituzten gauza handiak egiteko, emaitzak ugaritzeko eta urrutirago iristeko. Proiektu globala da, Euskal Herriko kulturan sakon errotuta eta nazioartean presentzia sendoa duena.
5 kontinenteetan banatuta dituen 266 enpresa eta taldea osatzen duten 80.000tik gora pertsona dira horren isla.
Antolaketan, MONDRAGONek lau arlo ditu: Finantzak, Industria (FAGOR ARRASATE arlo honetan dago), Banaketa eta Ezagutza.