Prentsa hidraulikoak

Pieza bolumen ertain/txikiak fabrikatu behar direnean, prentsa hidraulikoen lerroak oso aukera errentagarria eta efizientea dira, produktibitate handiagoko beste aukera batzuen aldean, baina proportzionalki askoz garestiagoak dira, eta aparteko kostu hori ez da beharrezkoa eta ezin da justifikatu etekinik ateratzen ez zaielako. Energetikoki efizienteak diren eta prentsa hidraulikoetan erabili daitezkeen teknologia berriekin lortzen da horien errentagarritasuna hobetzea.

Gainera, prentsa hidraulikoen berezitasun teknikoek bermatzen dute pieza konplikatu batzuek (beren geometriagatik, erabilitako altzairuaren gogortasunagatik, prozesuagatik –bereziki, press hardening prozesua–, behar den materialagatik –bereziki SMCn, konpositeak, IMC, etab.–) kalitatekoak ateratzea, eta horregatik egokiak dira askotan.

Bereziki, prentsa hidraulikoen lerroak bereziki errentagarriak izaten ari dira trokelen fabrikazioa eta piezen ekoizpena bateratzen dituzten konpainietan.  Konpositeen eta press hardeningaren munduan ere goraka ari da prentsa hidraulikoen erabilera. Horietan, pieza “ontzeko” denborak direla-eta guztirako ekoizpenak txikiak dira eta prentsa azkarragoetan eta garestiagoetan inbertitzeak ez dauka “payback” garbirik.

FAGOR ARRASATEn, bezeroa ondoan dugula, haren premiak aztertu ditzakegu eta inbertsiorik hoberena proposatu ahal diogu, etorkizunerako dituen aurreikuspenak ere aintzat hartuta.

Kasu askotan prentsa hidraulikoak dira aukerarik hoberena, dituzten abantaila hauengatik:

  • Hasierako inbertsioa nabarmen murrizten dute.
  • Funtzionamendu kostua murrizten dute.
  • Polibalentzia handia dute (malgutasuna kontrolean, zeinarekin ibiltartearen hainbat puntutan moldeak betetzeko, materiala ontzeko eta beste zeregin batzuetarako itxaroteko aukera ematen baita), besteak beste karbono altzairuzko piezak, boro altzairuzkoak, muga elastiko handikoak, plastiko indartuzkoak, SMC, RPF, IMC eta konpositezkoak fabrikatzen uzten du-eta.
  • Polibalentzia handia dute trokel mota bat baino gehiago erabiltzean (trokel neurri desberdinak, askotariko prestaziokoak).
  • Ahalmen handia dutenez, era guztietako piezak fabrikatu daitezke prentsa gutxiago erabiliz.
  • Gainera, trokelak ekoizten, probatzen eta prest jartzen uzten dute, bitarteko gehigarririk behar gabe.
  • Oso baliagarriak dira ordezko piezen fabrikaziorako edo beren zikloa osatu dutelako jada abandonatzen ari diren auto modeloetarako piezen fabrikaziorako.

Teknologia honetako soluzioak

Kontaktua

Zerbait gehiagoren bila ari zara?

Ezin duzu bilatzen ari zarena aurkitu?

Jarri harremanetan gurekin