Berrikuntza

FAGOR ARRASATEK dituen oinarrizko indarguneetako bat da gaitasuna duela gure produktuak eta zerbitzuak gure bezeroen beharren erritmoan garatzeko eta teknologikoki eboluzionatzeko. Hori lortzeko, uste dugu berrikuntza dela gakoetako bat, prozesuen eta teknologien gaineko know-howarekin eta bezeroarentzako zerbitzu bikain eta hurbilarekin batera.

FAGOR ARRASATEN mundu mailako sektore industrial zorrotzenetako batzuei hornitzen dizkiegu instalazioak, hala nola automobilgintzari, lerro zuriari eta altzairuaren eta aluminioaren balio kateari. Gure bezeroek soluzio integralak eskatzen dituzte, fidagarriak, produktiboak, eta gero eta interes handiagoa dute adimendunak ere izan daitezen, energiaren aldetik efizienteak, eta errentagarritasuna handitzeko eta merkatuaren joera berrien aurrean malguak izateko garatuak. Horregatik, gure berrikuntza estrategia osoaren zutabeetako bat da gure I+Gko teknikariek zentro teknologikoekin, unibertsitateekin eta enpresetako I+G atalekin duten lankidetza sistematikoa, soluzio berriak garatzeko eta zerbitzu berrien prestazioan eboluzionatzeko.

Honako hauek dira FAGOR ARRASATEN esku artean ditugun erronketako batzuk: berrikuntza material berrien estanpazioan eta prozesaketan, efizientzia ekoizpenean, eta eraldaketa digitala; halaber, herrialde gakoetan posizionamendua hobetzea, hala nola Txinan, Europa erdialdean, Mexikon eta Estatu Batuetan.

FAGOR ARRASATErekin I+G proiektuetan kolaboratzeko interesa baduzu, jarri gurekin harremanetan esteka honen bidez.