Gure instalazioak

Queretaroko instalazioek bulego eraikin moderno bat dauka, eta 500 m²-ko muntaketa lantegi bat, piezen eta egituren konponketa lanetarako tonaje handiko garabi bat hartzeko modukoa.

FAGOR ARRASATEren zerbitzu lantegia berria Portage, IN dago kokatuta. Proiektu honen helburua da salmenta osteko zerbitzuak, ingeniaritzakoak eta ordezko piezenak indartzea Estatu Batuetan, bai eta hain merkatu garrantzitsuan ditugun bezeroekin harreman estuago izatea ere. Instalazioek bulegoak izango dituzte, gaur egun Willowbrooken, Illinoisen, ditugun bulegoetako egitura komertziala eta zerbitzuakoa osatzeko.

Rio Claron dagoen lantegia 2012an eraiki zen, xafla metalikozko piezak neurrira moldekatzeko, ekoizteko eta mihiztatzeko eskarei erantzuteko, gero eta gehiago baitziren, eta 5 postuko prentsa hidrauliko bat eta 400 tonako ahalmena duten prentsa mekaniko batzuk ditu.

MOSS aliantzaren jabegokoa da lantegia, eta FAGOR ARRASATE aliantza horretako bazkidea da.

Asiako merkatuko egoitza nagusia da Fagor Metalforming Machine Tool (Kunshan) Co., Ltd., eta Kunshan hirian dago, Jiangsu probintzian. Han daude Asiara bideratutako ekoizpen baliabideak eta finantzetan, erosketetan, giza baliabideetan, kalitatean eta beste arlo batzuetan diharduten lantalde orokorrak ere bai. Lantegia 20.580 m²-ko lursail batean dago, non 6.500 m²-ko azalera eraikita dagoen.

Egoitza nagusiak 5,589 m²-ko ekoizpen lantegi bat dauka, eta lantegi horren barruan daude 3 muntaketa nabe, 81na m luze eta 23na m zabal direnak, eta 25 metro luze, 10 m zabal eta 6 m sakon den eta 150 tona altxatzeko ahalmena duen muntaketa hobi bat. Era berean, lantegiak ordezko piezen, konponketen, mantentze lan prebentiboen eta FAGOR ARRASATEren negozioetako retrofitting proiektuen zerbitzuak ematen ditu.

FAGOR ARRASATEk Beijingen duen ordezkaritza komertziala 2008ko maiatzean ezarri zen Beijingen. Enpresak batez ere salmentak sustatzen eta aholkularitza zerbitzuak ematen dihardu burdinaren, altzairuaren eta metal ez ferrosoen ebaketarako, akaberetarako eta prozesamendurako lerroen negoziorako. “Inoiz baino hurbilago” lema duen negozioko filosofiak gidatuta, gure helburua da gure bezeroei kalitateko zerbitzuak ematea eta gu guztiontzat etorkizun hobea sortzea.

FAGOR ARRASATEk Shanghain duen ordezkaritza komertziala Huangpuko Eremuan dago, munduko eremurik energikoenetako batean, alegia. FAGOR ARRASATEk Txinan duen leiho gisa, Shanghaiko ordezkaritza bulegoak FAGOR markako estanpazio eta zizailatze ekipo aurreratuak sustatzen dihardu, Txinako automobilgintzako industrietan. Esaterako, kadentzia handiko prentsa lerroak, ebaketa lerroak, transfer prentsak, prentsa progresiboak, probako prentsak, etab. sustatzen ditu, OEMetan, Tier1 eta Tier2etan ere bai.