Asistentzia aurreratua

Zerbitzuak balio erantsi handiko teknologiak eskaintzen ditu, ordezko piezak kudeatzen laguntzeko, diagnostikatzen, produktibitatearen jarraipena egiten, etab. Zerbitzu aurreratu horren bitartez, FAGOR ARRASATEn laguntza espezializatua eta pertsonalizatua eskaintzen dugu, gure instalazioetan prestaziorik handienak lortzeko: produktibitateen jarraipen aurreratua, OEEaren jarraipena (Overall Equipment Efficiency), mantentze lan prediktiboa, besteak beste.

Estanpazio sistemetan eta prentsetan, laguntza hori makinaren integritatera eta egoerara zuzentzen da. Metalaren ebaketa eta prozesaketa lerroei dagokienez, makina mantentzera zuzentzeaz gain, instalazioaren prozesua ere analizatzen da, makinarekin lortutako produktibitatera eta kalitatera zuzenduta.

Gainera, teknologia aurreratuak langile espezializatuak behar dituenez, gure prestatzaile adituek planak prestatzen dituzte bezero bakoitzaren beharretara egokituta, pertsona taldearen potentzial guztia garatzen eta, horrela, instalazioei errendimendurik handiena ateratzen laguntzeko.