Ohiko prentsen lerroak

Pieza handiak eta ertainak fabrikatzeko, batez ere ibilgailuaren karrozeriakoak, hainbat prentsa erabili behar dira, konformaziorako lanak egiteko.

Start-stop-ean lan egiten dutenei prentsa lerro konbentzional esaten zaie. Prentsa lerro horiek enbutizioko prentsa bat dute, efektu bikoitzekoa edo efektu bakarrekoa izan daitekeena, oinarrian kuxin batekin, eta beste hainbat prentsa ere badituzte ondoren, fabrikatu beharreko piezek behar dituzten operazioen kopuruaren arabera. Lerroa osatzen duten prentsek hidraulikoak edo mekanikoak izan daitezke.

Gaur egun, horrelako lerroak guztiz automatizatuta daude. Formatuak kargatzeko lanak despilatzaile baten bitartez egiten dira, robotak edo feederrak erabiliz. Enbutizio prentsa kargatzean eta prentsen arteko transferizazioan antzeko zerbait gertatzen da, hau da, robotak edo feederrak erabili daitezke.

Horrelako lerroek minutuko 12 kolpeko ekoizpenak ere lortzen dituzte, eta duten abantaila da programatzen eta mantentzen errazak direla. Prentsen arteko interkonexioaren programazioa eta automatizazioa semaforoen bitartez egiten da, zeinek deskargaren automatizazioa sartzea ahalbidetzen baitute prentsa PMSn gelditzen den bitartean, eta ondoren semaforoari itxaroten dio berriro jaisteko, hurrengo pieza estanpatzeko.

Gaur egungo prentsa lerro konbentzionalak bereizten dituzten beste alderdi batzuk hauek dira:

• Erabiltzeko erraztasuna: langileari funtzionamenduan laguntzen dion HMI.
• Erreferentzia aldatzeko azkartasuna: mahai mugikorrak, lotura azkarrak, trokelen entxufe azkarrak, etab.
• Mantentzeko erraztasuna: ongi egituratutako programak eta HMI laguntzekin.