Transfer prentsak

Osagaiak era guztiz automatizatuan eta piezak konformatzeko trokeletatik pasatuko dituen langilerik behar gabe fabrikatzeko garatu ziren transfer prentsak. Instalazioaren bihotza transferra da, zeinak piezak estazio batetik hurrengora eramaten dituen forma emateko behar diren eragiketa guztiak egiteko, prentsa gelditu gabe lanean ari dela.

%100 FAGOR ARRASATEkoa den soluzioa dugu, linea osoa kontrolatzeko arkitektura bakarrarekin, fabrikazio eta mantentze lan eragiketa guztiak optimizatuta. FAGOR ARRASATEk ohiko prentsa mekanikoak, prentsa hidraulikoak eta geure teknologia daraman transfer elektronikodun serboprentsak diseinatu eta fabrikatzeko duen gaitasunak prestazio eta produktibitate handienak bermatzen ditu, oso espazio txikia betez eta instalazioaren osagaietara hobeto iristea ziurtatuz.

Gainera, FAGOR ARRASATEk diseinatutako SYNCRO softwarearen bitartez, prentsa eta transferraren arteko interferentzia kurbak optimizatzeko erreminta egokiena dugu, baita laguntza ere, trokelak diseinatzeko fasean, nahi ez diren interferentziak saihestu ahal izateko. Horrek guztiak prentsa eta transferraren arteko sinkronismorik handiena lortzea ahalbidetzen digu, prozesatze abiadurari handiena edukitzeko. Gainera, gure bezeroei prestakuntza eskaintzen diegu transferra erabiltzen ikas dezaten, ahalik eta produktibitaterik handiena lor dezaten.

Sektoreak Automobilgintza Aluminioa

Teknologiak Prentsa mekanikoak Prentsa hidraulikoak

Zehaztapen teknikoak

Transfer instalazioek honako zati hauek dituzte:

Instalazioaren elikadura

Instalazioa formatu paketeen bidez elikatu daiteke, edo bobinen bidez, bobinez elikatzeko lerro baten bitartez. Bobinaren zerrenda trokelera sar daiteke zuzenean, edo zizaila zuzen edo oszilatzailearen bitartez formatuez elikatu.

Transfer elektronikoa

Transfer elektronikoa instalatuz gero, hainbat ziklograma, biaxiak, triaxiak, bentosa triaxiak, croosbar, etab. programatu eta biltegiratzeko aukera daukagu, trokelek behar dituzten mugimendu eta eragiketetara egokitzeko. Transfer elektroniko horrek malgutasun handia ematen dio instalazioari, eta horrek ahalbidetzen dio bertan pieza mota ugari fabrikatu ahal izatea.

Automatizazioa

transferra duten instalazioen ezaugarriak dira euren automatizazio maila handia eta produkzio handia. Gainera, erabat automatikoak diren sistemak dituzte eta horiek tresnak aldatzeko denbora nabarmen murriztea ahalbidetzen dute. Era horretan, hutsarteak eta eskuzko prozesuen akatsak ezabatzen dira, lote txikien fabrikazioa ahalbidetuta, hori egitea pentsaezina baita sistema horiek gabe.

Informazio gehiago

Langilearentzako laguntza sistema

Sistema horren bitartez, langileak sistemaren egoera kontrolatzeaz gain sistemaren ekoizpenaren kudeaketan lagun dezake.

Beste osagai batzuk

gure transfer prentsek beste osagai batzuk ere badituzte, hala nola mahai mugikorrak, tresnak azkar oratzeko sistemak, pakete aldaketa automatikoa eta transferraren prestaketa automatikoa (pieza jakin bat estanpatzen duen trokel multzoari egokitutako eta optimizatutako ziklograma).