ATE IREKIEN JARDUNALDIAK: PRESS HARDENING-EKO INSTALAZIO AURRERATU BATEN AURKEZPENA

Altzairuzko piezak aldi berean estanpatu eta tenplatzea gogor ezartzen ari den teknologia bat da automobilaren sektorean. Pieza konplexu eta erresistentzia handidunak ekoiztea ahalbidetzen du eta ondorioz, karrozeriak arinagoak dira eta erregaiaren kontsumoa baxuagoa. FAGOR ARRASATE, bere HOTTEKNIK markaren bidez, press hardening estanpazio sistemen hornitzaile nagusienetakoa da eta erreferentzia ugari ditu sektorean. Gainera, BATZ enpresa senidetuarekin batera prentsa hidraulikoetan eta press hardening trokeletan liderra da. Gaur egun, gure Zamudioko lantegian, instalazio aurreratu baten puntuan jartzea bukatzen ari dira. Formatuen elikatze automatikoa du, beroketa labe lineala, 1200 tonako kapazitatea duen prentsa hidraulikoa (bereziki beroan estanpatzeko diseinatua), piezak prentsatik eta prentsarantz 900 Cº baino gehiagotara mugitzeko manipulatzaile robotizatua eta tenplatze trokel hoztuak ditu(piezaren tenplatze azkarra lortzeko eginak).

Gure lantegiko bisitan zehar instalazio aurreratu honen zati bat ikusi ahal izango da. Zehazki, prentsa eta manipulatzaile robotizatua funtzionatzen ikusi ahal izango dira. Gainera, sistema osoa panel ilustratzaileekin azalduko da eta bertan sistemaren datu zehatzak ikusiko ahal izango dira. Lorpen tekniko honekin oso pozik gaude eta gure bezeroekin konpartitu nahiko genuke teknologia berri eta aurreratu hori. Instalazio interesgarri hori ikusi nahi baduzu, mesedez jarri harremanetan gure Departamentu komertzialarekin hitzordua hartzeko: [email protected].