Bi prentsa hidrauliko FAGOR inauguratu ziren Audiren Ingolstandt-eko lantegian

Audik Alemaniako Ingolstandt herrian duen lantegian, orain gutxi izan da instalatutako ekipo berrien inaugurazio ofiziala. Fagor Arrasatek bi prentsa hidrauliko aurreratu hornitu ditu trokel konplexuen probetarako eta bakoitzak 16000 KN-ko kapazitatea du. Lanerako mahaien dimentsioak 5000 x 2500 mm-takoak dira eta ibilbidea 1700 mm-ra iristen da. Prentsek CNC kuxin adimenduna dute oinarrian, 9 puntutan kontrola dutenak. Oinarriko kuxin horrek aurreazelerazioa ahalbidetzen du kolpeak gutxitzeko eta prentsa zein trokelaren bizitza erabilgarria luzatzeko. Orgaren gehienezko abiadura 500 mm/s-koa izan lilteke. Segurtasun sistema aurreratuak ditu, txatarra ateratzeko toberen automatizazioa du, intsonorizazioa, diagnostiko integratua duen kontrol multimedia, moteltze sistemak eta trokel aldaketa mahai mugikorraren eta amarratze azkarren bitartez.

Audik bikain katalogatutako hornitzaileak hautatzen ditu eta Fagor horietako bat izan da

Eskaera honek, Fagor Arrasatek hain ongi erantzun dionak, garrantzia handia du Ingolstadt-eko lantegia Audiren Center of Excellence delako fabrikazioan eta trokel probaketetan. Horregatik, kalitate goiena eskatzen du bai ekipoetan eta bai hornitzaileen ekoizpen prozeduretan. Inaugurazio ekitaldiko hitzaldietan Audiko auduradunek azpimarratu zute Fagor partner bikaina dela etxe alemaniarrak kalitate estandarrak lortzeko.