FAGOR ARRASATE 2014ko LEHEN LAUHILEKOAN

Autoak fabrikatu eta txapa transformatzen duten enpresetan inbertsioek pixka bat gora egin dutenez, Fagor Arrasatek proiektu batzuk lortu ditu. Beraz, Europa mailan ekipo ondasunen fabrikatzaile nagusienetako bat izaten jarraitzen du.
Fagor Arrasatek lortu dituen eskaera gehienak Ameriketako Estatu Batuetakoak (General Motors), Ingalaterrakoak (Jaguar Land Roverren hornitzaile batentzat), erdialdeko Europakoak eta Indiakoak (Mahindra) dira. Arrasatear enpresaren salmentetan lagundu duen faktorerik nagusiena sektoreko bezero garrantzitsuek emandako konfiantza izan da. Bezero horiek ongi ezagutzen dute enpresa eta bere produktua. Lortutako proiektuek teknologia eta makina mota desberdinei erantzuten diete. Hala nola, transfer prentsa batzuk (arruntak eta FlexCell), txapa prozesatzeko servo blanking linea bat eta try-out hidraulika batzuk. Azken hauek, Fagor Arrasate eta Onapres fusionatzearen (iazko urte bukaeran) emaitza positiboa lirateke.