Fagor Arrasate CREMA europar proiektuko kideek bisitatu dute

Fagor Arrasate CREMA proiektu europarreko kideek bisitatu zuten. Urtarriletik dabil Fagor Arrasate proiektu horretan eta hiru urteko iraupena izango du. Proiektuaren bigarren bilera Euskadin egin zenez, aukera hori aprobetxatu eta Fagor Arrasate bisitatzera etorri ziren partzuergoa osatzen duten kideak, bertako instalazioetan baitago proiektuaren demostratzaileetako bat. Beste enpresa batzuetako ordezkariak, zentro teknologikoetakoak eta 4 herrialde europarretako unibertsitateetako ordezkariak etorri ziren.

CREMA (Cloud-based Rapid Elastic Manufacturing) Horizonte 2020k laguntzen du diruz, B+Gri laguntza emateko EBeko programak eta 5 milioi euro baino gehiagoko aurrekontua du. “Factories of the Future” ekimenaren baitan dago, etorkizuneko lantegi horientzat balio erantsi handiko teknologiak garatzera bideratuta.

CREMAk hodeian kokatutako plataforma bat garatu nahi du, prentsentzat mantentze prozesu adimenduna lortzeko. Prozesu hau, hornitzaileen, mantentze-teknikarien eta bezeroen makinen arteko kudeaketa eta koordinazioan oinarrituta dago. Helburuak hauek dira: makinen gelditze ez desiratuak gutxitzea, interbentzio denborak murriztea eta makinek produktibitatea eta eskuragarritasuna handitzea zerbitzu adimendu horiekin.
 

Fagor Arrasaten izango da proiektuaren  bilerarik garrantzitsuena 2017ko ekainean, proiektuan gauzatuko den demostratzailea erakutsiko baita bertan.