Fagor Arrasatek 2014 International Forging Congressean hartuko du parte

Fagor Arrasatek ekainaren 29tik uztailaren 4ra bitartean Berlinen ospatuko den 2014 International Forging Congressean hartuko du parte. Fagor Arrasate ekitaldiaren babesleetako bat da eta bertan Alemaniako, Italiako, Espainiako, Frantziako, Sueziako, Turkiako eta Txekiar Errepublikako espezialistak elkartuko dira. Kongresu horretan, forja sektoreko mundu mailako joerak eta agertzen ari diren garapen teknologikoak aztertuko dira. Fagor Arrasate, hain zuzen, sistema automatiko osoetan giltza eskuan integratzen diren forja prentsa aurreratuen diseinu eta hornikuntzan mundu mailako liderra da, bai prentsa mekaniko eta bai prentsa hidraulikoetan.