Fagor Arrasatek Acerinoxentzat zeharkako ebakitze linea berri bat egingo du.

Fagor Arrasate aukeratu dute Acerinoxentzat zeharkako ebakitze linea berri bat diseinatu eta egiteko, beraien lantegietako batean instalatuko da. Acerinox altzairu herdoilgaitzean munduko ekoizle nagusienetarikoa da.

Zeharkako ebakitze linea berria altzairu herdoilgaitza prozesatzeko gai izango da 800mm-ko zabalera arteko eta 0.3tik 1.2 mm arteko lodiera duten bobinetan. Bobinek 10 tona pisa dezakete eta lineak minutuko 86 formatu ekoiztu ditzake.

Altzairu herdoilgaitzezko ebakitze lineak lautze eta pilatzeetan kontu handia jarri behar dute.

Instalazioak honako hauek ditu: bobinak desbiribilkagailura kargatzeko sistema, desbiribilkagailu motorizatu bat c.a. kontrola duen motorrarekin, elikatzeko pala, paper biribilkagailua, arrabol elikatzaileak, despunte zizaila, 6 alturako eta kasete aldaketadun lautzailea, papera edo filma kokatzeko gailua, zizaila errotatiboa eta pilatzailea. Linea guztia sistema konputerizatu batekin kontrolatua egongo da.