FAGOR ARRASATEK ARCELORMITTALEN ESKABIDEA JASO DU ALUMINIOA ETA ALTZAIRUA PROZESATZEKO SERVOBLANKING LINE BAT EGITEKO

ARCELORMITTAL GONVARRI SSC-k (Eslovakian) FAGOR ARRASATEri servoblanking linea berria  eskatu dio eta Senicako lantegian instalatuko da.

Ebakitze-servolinea horrek servoprentsa bat du 1200MPa-ra arteko erresistentzia altuko altzairuak eta 550 Mpa arteko aluminioa forma konplexudun formatuetan ebakitzeko. Oso instalazio aurreratua da, abiadura altuan lan egiteko gai dena, lineak 120m/minutuko abiadan lan egiten duelako eta servoprentsak 90 golpe minutuko abiada hartzen duelako. Prozesatu beharreko banda 2100 mm-ko zabalerakoa izango da, 3 mm arteko lodierakoa altzairuan eta 2,5 mm-koa aluminioan. Lineak malgutasun eta errendimendu ona du hainbat material  prozesatzen dituelako kadentzia altuan. Sarrerako bobinak diametro handia izan dezakete, 32 tonatara iristen direlako eta aluminioan dentsitatea askoz txikiagoa delako. Ebakitako formatuak 4 metro arteko luzera izan dezakete. Servoprentsak 8000 KN-ko kapazitatea du eta 4800×2500 mm-ko mahaia. Aldaketa azkarrerako beharrezko elementu guztiak ditu.

Bestalde, eta aluminioa magnetikoa ez denez, servoblanking berriak prestazio altuko abiatze/gelditze sistemadun huts-apilatzailea du