Fagor Arrasatek blanking linea hibrido bat egin du Gonvarri Eslovakiarako

Gonvarrik oraingoan ere Fagor Arrasateri enkargatu dio blanking linea hibridoa bere Eslovakiarako
plantarako. Lantegi hau aluminiozko osagaietan espezializatuta dago eta autoen ekoizleei zerbitzua
emango die, batez ere Jaguar Land Roverri. Hain zuzen, azken honek lantegi bat eraiki du herrialde
honetan produzitzeko.
Fagor Arrasatek linea hibrido hau hornitzeko eskaera lortu du, nahiz eta lehiakide izan dituen
sektoreko beste lider batzuk ere. Baina, konpainia honek berriro ere konfiantza jarri du Fagor
Arrasaten eta Eslovakian irekiko dituen instalazioetarako aukeratu du. Firma hau erreferentziazkoa
da altzairuaren transformazioan eta Jaguar Land Rover automobilentzako piezak egingo dituzte Nitra
herrian dagoen lantegirako.
Hau horrela izanik, autogintzako ekoizle britainiarrarentzat piezak estanpatzeko erabiliko dituen
prentsa guztiek, Fagor Arrasate firma eramango dute. Altzairu eta aluminioa prozesatzeko 800 tonako
blanking linea hibrido honetaz gain, G1 full serbo linea bat eta beste linea hibrido bat ere baditu
(serbo burua duena) lantegian, lehen enkargatu zizkionak konpainia gipuzkoarrari.
Azken linea honek, altzairua eta aluminioa prozesatzeko ekipamendu bikoiztuak ditu, kutsadura
ekiditeko. Horrez gain, 0,5 eta 4,00 mm arteko lodiera eta 2.150 mm-ko gehienezko lodierako
materiala prozesatzeko gaitasuna du.
Gonvarriren Eslovakiako lantegirako Fagor Arrasatek hornitutako prentsa lerroei esker, konpainia
honek kalitate altuko piezak estanpatu ahalko ditu autoen ekoizleentzat eta horrela pisu gutxiagoko
eta segurtasun handiagoko autoak ekoiztea ahalbidetuko dute.