FAGOR ARRASATEREN ARRAKASTA EUROBLECH 2008AN

Fagor Arrasatek arrakasta handia izan zuen Hanoverren (Alemania)  egin zen Euro Blech 2008an. Bi urtetik behin egiten den feria hau da, mundu mailan deformazio bidezko makina erreminta sektoreko  feriarik garrantzitsuena. Kasu honetan, aurrikuspen ekonomikoak txarrak izan arren , feriak arrakasta handia izan du, proiektuak martxan dituzten bezero asko bertaratu baitira. Fagor Hall 27an egon zen, feriako gunerik handienean.

Ohikoa den bezala, Fagor Arrasatek, stand multimedia baten bidez, diseinatzeko eta hornitzeko gai den makinak erakutsi zituen, eta bertan bezeroek ondorengo arloetako ekipoak ikusi eta aztertu ahal izan zituzten: prentsa  mekanikoak, estanpazio sistemak, prentsa hidraulikoak, altzairuzko bobinen ebakuntza lineak, xafla pieza konplexuak fabrikatzeko sistema bereziak, trokelak edo asistentzia teknikoa eta modernizazioa. Aldi berean, RDI enpresa berria ere aurkeztu zen, prozesu siderurgikoen lineen sektoreari heltzeko. Stand-a herrialde ezberdinetako bezeroek bisitatu zuten, besteak beste Alemania, Austria, Erresuma Batua, Frantzia, Suedia, Polonia, India, Arabia, Txina, Estatu Batuak, Herbehereak, Belgika  Espainia, Portugal, Italia, Danimarka, eta Mexikokoek;  eta baita beste askotakoek ere.