TURKIAKO JARDUNALDI TEKNOLOGIKO BATEAN HARTUKO DU PARTE FAGOR ARRASATEK

Bertan, Fagor Arrasateko espezialista eta ingeniariek estanpazioko teknologian dauden azken aurrerapenak azalduko dizkiete gonbidatuei. Serboprentsa eta enbutitze aurreratuko beste teknologia batzuk zer eskaintzen duten erakutsiko da, gaur egun horiek baitira autoak ekoizteko faktore gakoa eta garapen handia baitute.

Besteak beste, SPT teknologiari buruz arituko dira, Servopress Techonology. Honek, pieza askoz konplexuagoak ekoiztea ahalbidetzen du enbutitze prozesuaren kontrol osoa edukiz eta efizientzia energetiko altua eta ingurumenarekiko errespetua bermatuz. Altzairua eta aluminioa ebakitzeko Servoblanking prentsa lineak ere ekarpen teknologiko interesgarriak dira auto ekoizpenerako, batez ere gaur egun auto arinagoak garatzea garrantzitsua baita. Abiadura handiko tandem prentsa lineei buruz ere hitz egingo da, produktibitatea asko igotzen dute eta. Horrez gain, hauek izango dira azalduko direnak: pieza estrukturalak egiteko prentsa transferren garapenak, “Press Hardening” prozesuan serboprentsen erabilera, prestazio eta errendimendu hobeak lortzeko; konposite piezak egitea prozesu jakin horretarako berariaz garatuak daudenak eta “Industry 4.0” programak estanpazio sektorean izango duen eragina.