VOLKSWAGENek Fagor Arrasate aukeratu du munduko prentsa robotizatuen linea aurreratuenetako bat hornitzeko.

Fagor Arrasatek Volkswagen-i abiadura eta produktibitateari dagokienez aurreratua den robotizatutako prentsa linea berri bat hornituko dio. WAVELINE instalazio bat da., Fagorrek KUKA enpresarekin lankidetzan garatutako kontzeptu berria. Ohikoak diren prentsa lineetan (tándem lines) robotak eta prentsak ziklo bakoitzean gelditurik egiten dute lan, WAVELINE sistema berrian sinkronizazio osoa eta perfektua lortzen da elementu guztien artean, geldialdiak saihestu eta prozesuaren abiadura handiagotzea %50 baten baino gehiagoan posible egiten du kasu batzuetan, abantaila hau edozein fabrikatzailerentzako erakargarria da.

Horrela ulertu du Volkswagen-ek, FAGOR ARRASATEri Hegoafrikako lantegirako Waveline linea baten eskaera emanez. Instalazio berria 6 prentsez osatuta egongo da. Lehenengoa link drive motakoa izango da, 2100 tonatako gaitasuna eta 4500 x 2400 mmtako mahaia izango du eta 1400 mmtako karrera. Makina honek CNC kojin inteligente programatzaile hidraulikoa edukiko du 600 tonatako gaitasunarekin. Prentsa buruaren ostean, 5 prentsa egongo dira –1200 tonatako gaitasuna duten link drive-ak ere bai, bakoitza 4500 x 2200 mmtako mahaiarekin, eta 1400 mmtako karrerarekin. Linea hasieran formatu kargagailu bat egongo da, 15 tonatako paketeak eta 50 kilotako formatu indibidualak maneiatzeko gai dena. Prentsak 56 tonatarainoko moldeak maneiatu ditzakete eta aldaketa sistema azkarrak dituzte.

Automatizazio robotika COBRA robot berri eta berezietan oinarrituta dago, eta hauek aurrerago aipatu dugun prentsen mugimendu sinkronizatua posible egiten dute. Robot hauek 50 kilotako piezak mugitzen abiadura oso handia erabiltzen dute, 5 metrotako distantziatan eta denbora laburrean, eta honek prentsen linearen funtzionamendua etengabea izatea egiten du.