FAGOR ARRASATEK ALUMINIOA ETA ALTZAIRUA PROZESATZEKO SERVOBLANKING LERRO BAT EGITEKO ESKARIA JASO DU ESPAINIAN

Espainiako GONVAUTO-k FAGOR ARRASATEri servoblanking lerro  berri baten eskaera egin dio eta Bartzelonan duen lantegian instalatuko da.

Ebakitze-servilinea bat da, 650 MPa arteko formatu konplexuko altzairua eta 500 MPa arteko aluminioa ebakitzeko servoprentsa duena. Oso instalazio aurreratua da, abiadura altuan lan egin dezakeena (120 m/min) eta servoprentsak ere minutuko 90 kolpera arteko abiada har lezake. Prozesatu beharreko bandak 2100 mm-ko zabalera izango du eta altzairuak 3 mm arteko lodiera edo aluminioak 2,5 mm artekoa. Beraz, malgutasun eta errendimendu handiko linea da eta hainbat material  prozesatzeko gai da kadentzia altuan.

Sarrerako bobinak diametro handia eduki lezakete 32 tonatara iristen direlako eta aluminioan dentsitatea askoz ere txikiagoa delako. Ebakitzen diren formatuak 4 metro arteko luzera izan lezakete. Servoprentsak 8000 KN-ko kapazitatea du eta 4800 x 2500 mm-ko mahaia. Aldaketa azkarra egiteko beharrezko elementu guztiak ditu.

Bestalde, aluminioa magnetikoa ez denez, servoblanking berriak prestazio altuko abiatze/gelditze hutseko apilatzailea du.