Hutseko pilatzailea

Hutseko pilatzaileak magentikoak ez diren materialekin erabili ohi dira, hala nola aluminioarekin edo altzairu herdoilgaitz austenitikoarekin, baina material magnetikoekin ere erabili daitezke, eusteko ahalmen handia duelako.

FAGOR ARRASATEren efizientzia handiko hutseko pilatzaileak ohikoek baino %85 energia gutxiago gastatzen du (130Kw/h vs 15-20kw/h). Bere diseinuagatik eta daukan xurgatze sistemagatik da hori. Xurgatze sistema horrek egiten du huts ponpa handiak eta zaratatsuak erabili behar ez izatea, eta mantentze lan gutxiago behar izatea, pieza garraiatzeko prozesuan hutsa alferrik galtzea saihestuta.

FAGOR ARRASATEren hutseko pilatzaile uhaldunekin pilaketa kalitaterik handiena lortzen da. Gure pilatzaileak automobilgintzaren industriako eta industria aeroespazialeko kanpoaldeko piezetarako gomendagarriak dira bereziki, bai eta lodiera txiki eta ertaineko piezetarako eta kadentzia handirako ere, eta prozesu batzuetab estaldura (PVC) duten formatuak ere prozesatu ditzakete.

Hauek dira FAGOR ARRASATEren hutseko pilatzaileen abantailarik garrantzitsuenak:

Produktibitate handia pilatzeko edozein eratan.
Moldakortasuna material desberdinekin lan egin ahal izateko.
Tope mota aldakorren konfigurazioa.
Start-Stop erako pilatzailea (FAGOR ARRASATE) vs Jarraituko pilatzailea.
Energia kontsumo txikia (diru aurrezpena).
Zarata gutxiago eta, beraz, lan arrisku gutxiago eta baldintza hobeak lanpostuan (kutsadura akustiko txikiagoa instalazioaren inguruan).
Mantentze lan gutxiago eta, beraz, ekipoa luzaroan dago erabilgarri eta dirua aurrezten da.

Sektoreak Zerbitzu zentroa Aluminioa

Teknologiak Pilatze soluzioak

Zehaztapen teknikoak

Start-Stop modua: Start-Stop moduan egin ohi dute lan, eta minutuko 100 piezako kadentzietara iritsi daitezke pilaketan. Halere, modu jarraituan ere egin dezakete lan.
Pilaketa kadentzia handiak eta kolperik gabeak: instalazio eta prozesu motak kontuan hartuta, 120 m/min-ko abiadura ere har dezake linean eta 200 m/min-koa ere pilatzailean, eta abioa/geldialdia moduan funtzionatu dezake (stop before dropping) pilatzen ari diren formatuek topeak jo ez ditzaten, eta formatuak askatu baino lehen geldituta, formatuak erabat bertikalki erortzeko. Horri esker ertzak ez dira kaltetzen eta, adibidez, laser bidezko soldadura kalitate handikoa da.
Material aukera zabala: FAGOR ARRASATEren hutseko pilatzaileak material mota ugari prozesatu ditzake, 0,15 mm-ko lodiera txikiko aluminioa zein 6 mm-ko altzairu herdoilgaitza.
Xafla neurriak: pilatzaile hauek kudeatu ditzaketen xafla neurriak beren pisu espezifikoaren araberakoak dira, eta, esaterako, 6 mm-ko altzairu herdoilgaitzezko formatuak prozesatu ditzakete, 2.100 mm-ko zabalera eta 6.000 mm-ra arteko luzerarekin eta ia 600 Kg-ko pisu baliokidearekin, energia gutxi kontsumituta.
Zinta kopurua: pilatzaile honek serbomotorrek eragindako zinta kopuru aldakorra dauka, prozesatu beharreko zabaleraren eta pisuaren arabera, eta horri esker pilatzailea konfiguratzean zinten mugimendua aparte konfiguratu daiteke, pilatzaileari malgutasun handia emanda pila ugari egitean edo piezak paraleloan prozesatzean.
Formatuen araberako konfigurazioa: bai pilaketa estazio kopurua, bai pilaketa topeen kopurua eta konfigurazioa aldakorrak dira, pilatu beharreko formatu moten arabera, formatuak laukizuzenak, trapezioak edo beste forma batekoak izan baitaitezke, eta pilatzaile hauek, halaber, maskarak erabiltzea ahalbidetzen dute aplikazio berezietan.
Topeen konfigurazioa: egin beharreko pila kopuruaren arabera, tope kopurua aldakorra da –4+4, 8+8 o 12+12–, blanking lerroetan gehien eskatzen diren konfigurazioak 12+12 izanik.
Produktibitate handiagoa eta geldialdi laburragoak: FAGOR ARRASATEren hutseko pilatzaileen kontrol aurreratuari esker merkatuko produktibitaterik handiena lortu daiteke, prozesuaren azeleraziora eta abiadurara automatikoki egokituta, bere elementuen mekanika babestuta eta pilatzeko modu ugari eskainita, produktibitaterik handiena eta geldialdirik laburrena eskaintzeko. Pilaketa moduetan, zehazki, pilaketa soila, multzo askoko pilaketa eta piezak paraleloan pilatzea ahalbidetzen ditu, baita pieza biek garraio zinta berberak erabiltzen badituzte.
Mantentzen lan errazak: FAGOR ARRASATEren pilatzaile guztiek panel mugikor bat dute mantentze lanak eta doitze lanak egiteko, eta teaching aukera ere badute, prozesatu beharreko piezen araberako konfigurazioak gordetzeko.

Zehaztapen teknikoak

Kontaktua

Zerbait gehiagoren bila ari zara?

Ezin duzu bilatzen ari zarena aurkitu?

Jarri harremanetan gurekin