Manipulagailu malgua

FAGOR ARRASATEk patentatutako formatuen manipulagailu automatiko berriak abantaila tekniko oso garrantzitsuak dauzka, ekoizpenaren, kontsumoaren eta mantentze lanen ikuspuntutik zein lan baldintzen eta ergonomiako baldintzen ikuspuntutik.

• Manipulatu beharreko formatu ereduen kopurua handitu daiteke: manipulagailu berriaren ezaugarririk nabarmenena da erabat malgua dela formatuen erreferentzien aldaketan, heltze planoaren edozein posiziotan bentosa bat automatikoki jartzeko aukera ematen du-eta. Formatuei kalitate handia ematen die, ertzak ezin hobeto zainduta.
• Langileak eskuz manipulatu beharra desagertzen da eta ergonomia hobetzen da: manipulagailuetan erreferentzien aldaketak bi modutara egin ohi izan dira: eskuz edo manipulagailuen biltegiak erabiliz. Eskuz egiteak eskatzen du geldialdi luzeak egitea eta linean sartu behar izatea aldaketa egiteko, eta manipulagailuen biltegiak erabiltzeak, berriz, inbertsio handia egin behar izatea eta mantentze lanetan gastu handiak egitea dakartza.
• Edozein eratako materialetarako balio du: manipulagailuak edozein eratako materiala eta edozein eratan pilatzea ahalbidetzen du, eta horrek balio erantsi handia eta moldakortasun handia ematen du.
• Leku gutxiago behar du, eta inbertsio eta mantentze lanetan kostu txikiagoak ditu: erreferentzia guztiak manipulagailu bakar baten bidez prozesatzen dira. Horrela ez da beharrezkoa formatu bakoitzerako espezializatutako manipulagailu desberdinetarako biltegi bat edukitzea eta, beraz, leku gutxiago behar da lantegian eta mantentze lanetako kostuak eta hasierako inbertsioa ere txikiagoak dira, biltegia behar duten ohiko manipulazio sistema automatikoekin alderatuta.
• Efizientzia energetikoan laguntzen du: manipulagailuak lan mota bakoitzera egokitutako erabilera baterako konfiguratuta dauden ekipoak ditu, eta horri esker bere bizitza baliagarria luzatzen da, eta energiaren kontsumoa murrizten, mantentze lanak errazago izateaz gain.