Racket eta bombdoor pilatzaileak

Pilatzaile hauek aukera efiziente eta merkea dira. FAGOR ARRASATE pilatzaileetan, arrabolak beherantz baskulatzen dira (eta ez plano horizontalean) formatuen gainazala ez urratzeko eta formatuen gainazaleko kalitatea mantentzeko. Lodiera ertainetarako (racketak) edo handietarako (bombdoor) pentsatuta daude.

Bombdoor pilatzailea

• FAGOR ARRASATEren Bombdoor pilatzailea makina sendoa da, funtzionamendu erraza eta fidagarria du, eta lodiera handietarako da batez ere (25 mm-ra arteko lodierak).
• Formatuari arrabol motordunen bitartez eusten zaio. Formatua behin posizionatuta, arrabolak baskulatzen dira eta pieza aurreko piezaren gainean erortzen da, inolako urraketarik gabe. Aurrealdeko topearen eta alboko giden bultzatzaileek pilaketa kalitatea egokia izatea bermatzen dute.
• Pilaketa estazio bat edo gehiago eduki ditzake, eta minutuko 50 zikloko kadentzietara iritsi daiteke.

Racket pilatzailea

• Racket pilatzailea lodiera ertainetarako (1-6 mm) eta material delikatuagoetarako pentsatuta dago. Horregatik, formatuari poliuretanozko gurpilen bitarte eusten zaio, xaflaren gainean inolako markarik egitea galarazten baitute.
• Makina erraza eta arina da, eta minutuko 55 ziklora arteko baskulazioekin.
• 3 mm-ra arteko lodiera finetan, turbosoplanteak dituen erorketa askeko pilatzaile batekin konbinatu daiteke aire koltxoi bat sortzeko, piezaren erorketa arintzeko.