FAGOR ARRASATEK BERE SOLUZIOAK AZALDU ZITUEN EBAKETA ETA ESTANPAZIO ADIMENDUNAREN ALORREAN STUTTGARTEKO BLECHEXPO AZOKAN

Blechexpo Messe, Stuttgarten urriaren 26tik 29ra egindako azoka, arrakastatsua izan da FAGOR ARRASATErentzat, asistentzia aurreikuspenak gainditu baititu eta bezero gakoak direnen kalitatezko bisita asko izan baitu. Enpresak automatizazio-sistema aurreratuenez hornitutako estanpazio eta trokelatze-lerroen azken berrikuntzetako batzuk aurkeztu zituen.

FAGOR ARRASATEk automobilgintzaren sektorerako azken garapenak erakutsi zituen, 30.000 kN baino gehiagoko azken belaunaldiko Transfer Prentsak aurkeztuz; soluzio guztiz automatizatua eta errentagarria da, bereziki egokia erresistentzia handiko materialetan (tailored blanks, HSS edo UHSS) txasis eta errefortzu-pieza ugari fabrikatzeko, baita lodiera desberdinetan ere. Bereziki nabarmendu zen tamaina handiko egiturak (sendoak eta fidagarriak) diseinatzeko, fabrikatzeko eta arrakastaz entregatzeko duen gaitasun teknologikoa, aparteko indarrak eta estanpazio-prozesuak eskatzen dituen tentsio-maila altuak jasateko gai direnak.

Era berean, FAGOR ARRASATEk % 100 propioak diren estanpazio-soluzioak hornitzeko ingeniaritza-gaitasuna aurkeztu zuen. Soluzio horietan, prentsa ez ezik, automatizazio-sistemak ere sartzen dira, hala nola transferrak, pick-up kargagailuak edo pilatzaileak; elementu horiei esker, ekoizpen-tasa handiagoak lortzen dira, eraginkorragoak dira eta bezeroen ekoizpena optimizatzen da.

Konpainiak laser bidezko ebaketako azken garapenak ere erakutsi zituen, automobil-fabrikatzaile eta zerbitzu-zentroentzako teknologia, beren produktibitatea handitzeko eta ekoizpenaren malgutasuna hobetzeko. FAGOR ARRASATEren laser bidezko ebaketa-lineek malgutasun handiena ematen diete bezeroei, muga geometrikorik eta materialaren mugarik gabe, baita erresistentzia altuko materialentzat ere.

Teknologia horrek ez du trokelik behar, eta ekoizpen-aldaketa azkar bat eskaintzen du, lerrotik kanpo prestatzen den ebaketa-programa berria soilik hautatuta, denbora alferrik galdu gabe. Landu gabeko piezaren kalitatea bermatuta dago, kalitate handiko loturetarako eta tolerantzia dimentsional zehatzetarako ertzak nibelatzeko eta zuzentzeko sistema bati esker. Hori guztia, nesting softwarearekin batera, 35 pieza/min-rainoko errendimendua ahalbidetzen duen “erabiltzeko prest” soluzioa da, txatarra nabarmen murriztuta. Laser bidezko ebaketa-lerroaren garapena oso garrantzitsua da FAGOR ARRASATErentzat, ebaketa-lerroen nitxoan munduko erreferente gisa ezartzeko aukera ematen baitio.

Industy 4.0 soluzioei dagokienez, FAGOR ARRASATEk bere azken teknologia digitalak erakutsi zituen Blechexpo Messen. Fagor ARRASATEk 4.0 Industriaren alde egindako apustu sendoaren ondorioz, etengabeko inbertsioak egin dira teknologia berrietan, ekipoen lehiakortasuna hobetzeko. Horren barruan sartzen dira energia-eraginkortasunaren arloko berrikuntza, produktibitatearen hobekuntza eta balio erantsiko zerbitzuak eskaintzen dituzten instalazio eta plataforma adimendunen garapena, bai eta material berriak tratatzeko produktuak eta prozesuak ere. Oraingoan, FAGOR ARRASATEk 2.000 tonako prentsa baten Twin Digitala eraman zuen azokara, eredu horrek prestakuntzan, mantentze-lanetan edo abian jartzean dituen aplikazioak erakusteko.

Azokaren esperientzia osatzeko, enpresak Alemanian eta Europa osoan industriarako egindako proiektu esanguratsuenetako batzuk aurkeztu zituen, besteak beste, material gogorrenekin lan egiteko gai diren 30.000 kN baino gehiagoko prentsa transfer ikaragarriak, press hardening lerroak, konpositeak osatzeko “erabiltzeko prest” lerroak eta altzairu eta aluminiorako pilatzeko soluzioak dituzten blanking lerroak. Gainera, FAGOR ARRASATEk bere Twin Digitalaren eguneroko erakustaldiak egin zituen, 24/7 konektibitate soluzioarekin bezeroaren ekipoen eraginkortasun globala handitzen baitu (OEE).

FAGOR ARRASATE

FAGOR ARRASATE munduko liderra da altzairua, aluminioa eta altzairu herdoilgaitza konformatzeko neurrira egindako soluzioen diseinuan eta fabrikazioan, prentsak, bobinak ebakitzeko eta prozesatzeko lerroak eta pieza metaliko konplexuak fabrikatzeko sistema osoak barne. Material konposatuak, hotzeko eta beroko forjaketa-sistemak eta press hardeninga konformatzeko “giltza eskura” lerroetan ere espezializatuta dago. Mundu osoan jarduten du, eta bere bezeroen artean jatorrizko ekipoen fabrikatzaileak, lehen mailakoak eta automobilgintza eta sektore aeroespazialeko zerbitzuguneak daude, baita forja, altzairu, etxetresna elektriko eta altzari metalikoen industrietako enpresak ere. 60 urte baino gehiagoko esperientziarekin, FAGOR ARRASATEk sei ekoizpen-planta, laguntza teknikoko lau zerbitzu-zentro eta I+G+b zentro bat ditu, eta mundu osoan merkataritza-ordezkaritza ugari ere baditu. Europako industria-talde handienetako baten sortzailea da, Mondragon Korporazioa, 80.000 profesional baino gehiagorekin.