FAGOR ARRASATEK PARATXOKE BATEN PISUA %40 MURRIZTEA LORTU DU BEROTAN ESTANPATUTAKO ALUMINIOA ERABILIZ

Ikerketa lana Mercedes Benz Clase E baten paratxoke batekin egin da, teknologia berritzaile honen automobilgintzarako aplikazioa erakusteko. Izan ere, Fagor Arrasate aitzindari da teknologia honetan.

Tradizioz altzairuz fabrikatutako piezak eta egiturak, aluminioz egindako beste batzuekin ordezkatuta, ibilgailuen pisua gutxitu ahal izango da, eta horrek erregaiaren kontsumoa eta gas kutsagarrien isuriak murriztuko ditu, edo autonomia handituko du ibilgailu elektrikoetan.

Ildo horretan, 6xxx eta 7xxx aluminio-aleazioak azaleratzen ari dira, arintze-potentziala eta erresistentzia espezifiko handia dutelako. Konformazioa disoluzio (SHT), hozte eta zahartzeagatiko gogortzea lortzen duen tratamendu termikoa da. Konformazioa hozte-fasearekin konbinatu ohi da konformazio-matrizearen barruan, behin bakarrik, hoztutako tresneria erabilita.

Beroko estanpazio-lerroa optimizatzeko, prozesuko parametro ugari aztertu ziren, hala nola, tenperatura eta SHT denbora desberdinen efektua, transferentzia-denbora desberdinak, prentsatze-indarrak, hozte-denborak, lubrifikazio-baldintzak eta zahartzeagatiko gogortze-motak.

Egindako probetan, 150 pieza baino gehiago konformatu ziren beroan, AA7075 eta AA6082 aluminiozko aleazioekin, parametro eta konfigurazio sorta zabal bat optimizatzeko. Eta erakutsi dute posible dela paratxokeen pisua % 40 murriztea, beroan estanpatutako aluminiozko aleazio horiek erabiltzeari esker, haien segurtasun-ezaugarriei eragin gabe.

 

  

Deskargatu dokumentua