GKN AUTOMOTIVEK URTEKO HORNITZAILE GISA SARITU DU FAGOR ARRASATE KAPITAL INBERTSIOEN KATEGORIAN

Joan den urriaren 6an 300 hornitzaile online bildu zituen sariak banatzeko ekitaldian, GKN Automotivek nabarmendu zuen Fagor Arrasate gai izan zela oso denbora gutxian ezaugarri bereziak zituen forjaketa-prentsa bat entregatzeko erronka gainditzeko.

“GKNko fabrikazio-talde batek erronka bati egin behar zion aurre: oso epe laburrean hainbat ezaugarri gehigarri zituen prentsa berri bat edukitzea. Fagor gure fabrikazio-taldearekin elkartu zen, eta berehala konponbide ezin hobea garatzeko gai izan zen, proiektuaren epe laburrean entregatzeko konpromiso sendoarekin”, ekitaldian zehar enpresako arduradunek azaldu zutenez.

“Pandemiarekin lotutako hainbat erronka izan arren, gure enpresa-baldintza orokorrak babestu zituzten”, nabarmendu zuten ekitaldian, eta eskerrak eman zizkieten Fagor Arrasatek GKN Automotiven epe luzerako helburu estrategikoei laguntzeko emandako laguntzagatik eta inplikazioagatik. “Azken belaunaldiko ekoizpen-instalazioak mundu osoan kokatuta dituen enpresa globala da benetan”.

Iker Bastida Fagor Arrasateko forjaketa sektoreko arduradunak, bideoan grabatutako mezu baten bidez zeremonian parte hartu zuenak, lehen mailako bezero batek GKN Automotive gisa emandako sariak dakarren ohore handia azpimarratu zuen, “gure kalitatea, gure zerbitzua eta ondo egindako lana aintzatestea eskatzen baitu”.

Iker Bastidak nabarmendu zuen, halaber, sariak balioa ematen diola “bi konpainien arteko hamarkadetako lankidetza emankorrari”. Lankidetza horretan, “bikaintasun handieneko garapen eta proiektu ugari” gauzatu dira. “GKN bezero mota bat da, ingeniari gisa egiten dugun ahaleginak benetan merezi duela sinestarazten diguna. Etorkizuneko proiektuetan parte hartzen jarraitzea espero dugu”.