Formatu askoko ebaketa lerroak

Lerro hauetan erabili ohi diren lautzeko makinak 3 altuerakoak dira, eta 4-5 mm-ko lodiera ere duten materialak prozesatzen dituzte. Zeharkako ebaketa lerroetan bezala, lautzeko makina hauek funtzio hauek dituzte, esaterako: kasettearen aldaketa automatikoa (<5 min), drive askoko kontrola eta Leveller Setting Assistance aplikazioa (LSA), arrabolak garbitzeko sistema, lautzeko arrabolen materialak eta akaberak, besteak beste.

Lerroaren abiaduraren arabera, eta prozesatu beharreko materialaren eta bere lodiaren arabera, hauek dira mota honetako lerroetan erabiltzen diren zizailak:

• Zizaila birakariak: Ekoizpen handiko lerroetarako dira (200 ziklo ere minutuko), izan ere, lerro horietan zizailak goiko eta beheko buruak era sinkronizatuan jiratuz mozten du materiala. Tiroan lan egiten duten lerroak dira, eta aurretiko arrabol elikatzaile batek eta neurketa gurpil batek kontrolatzen dute elikadura. Lerroek tiroan lan egiten dutenez, ez dute hobirik behar eta, beraz, instalazio errazak dira. Zizailek automatikoki aldatzen dute hortzez eta automatikoki doitzen dute lasaiera.
• Zeharkako zizailak: Goitik behera egiten dute ebaketa eta, beraz, ebaketaren linealtasunean doitasunik handiena lortzen dutenak dira. Gainera, ebaketa unean materiala geldi dagoenez, zizaila horiek bizar balio oso txikiak lortzen dituzte. Ordainean, zizaila hauen produktibitatea birakariena baino txikiagoa da, hobian lan egiten duten lerroak direlako eta elikadura ziklikoki egiten delako. Zizailek automatikoki aldatzen dute trokela (kurba formako ebaketak, ebaketa omegak eta beste ebaketa batzuk egiteko), eta lasaiera ere automatikoki doitzen dute.

Pilatzaile elektromagnetikoak dira mota honetako lerroetan erabiltzen direnak. Ebaketa bakoitzean hainbat formatu egin daitezkeenez, pilatzaileak ohiko topeen ordezko soluzioak eduki behar ditu, egoki pilatzea bermatzeko.