KUDEAKETA POLITIKA

FAGOR ARRASATE KOOP. E.ko Zuzendaritzak badaki ze garrantzitsua den sozialki modu arduratsu eta iraunkorrean enpresaren aktibitateak bat egitea produktu eta zerbitzuen kalitate, ingurumenaren babes eta lan-arriskuen prebentzio eta informazioaren segurtasunarekin. Horregatik, gestiorako printzipio hauek jartzen ditu lantegi guztietan aplikagarri:

  • Erantzukizun sozialaren printzipioak errespetatzea eta gure Jokabide-kodearekin bat datorren jokabide etikoa izatea uneoro.
  • Bezeroa asebete. Horretarako erabilgarritasun handi eta iraupen luzeko produktuak egin behar ditugu, baita bezeroaren beharren araberako zerbitzuak eskaini ere.
  • Lanerako baldintza seguru eta osasungarriak eskaini.
  • Produktuen kalitatea, ingurumenaren babesa, informazioaren segurtasuna, negozioetako etika eta lan-arriskuen prebentzioari buruzko betebehar legalak, eta kanpo eta barne arauak bete.
  • Alor guztietan hobetu etengabe. Gestiorako ohiko modua ondokoa izango da: helburuak ezarri eta desplegatu eta betetze mailaren jarraipena egin. Honela ekintzak zuzentzaileak hartu ahal izango dira.
  • Arazo eta arriskuak aurreikustea. Lehenengoan ondo egiteko, bakoitzaren laneko erantzukizunei aurre egin.
  • Zeresana duten guztiekin taldean arazoak kontsultatu eta aztertu: lankide, hornitzaile, bezero, administrazio, auzo…
  • Ahalik eta konpetentzia profesional handiena lortu, ezagutza lortu eta elkarren artean banatzeko asmoz.
  • Euskal Herriko plantetan euskaraz lan egiteko aukera bermatzea.

Kudeaketa Sistemaren Eskuliburuko 9. atalean, bertan aurkezten da Jokabide-kodea, iraunkortasuna eta erantzukizun soziala gure portaeretan txertatzea sustatzeko balio duena.
Jokabide Kodea

Gure estrategia korporatiboaren barruan, gestioaren efizientzia hobetzea garatu beharreko lerro estrategikoa da, eta horretarako ezinbestekoa da informazio sistemak modu eraginkorrean erabiltzea. Informazio sistemen erabilera eta bereziki informazioa modu partekatuan erabiltzea erronka handiak dira informazio horren segurtasunari dagokionez.

Informazioaren segurtasuna modu egokian kudeatzeko, giza baliabideak, elementu tekniko eta materialak eta antolaketa mailako baliabideak daude. Eta gainera, segurtasun neurriak artikulatzen dira mehatxuak izateko aukerak murrizteko eta segurtasun intzidenteak garaiz detektatu eta konpontzeko, esku artean dugun informazioa edo ematen ari garen zerbitzua ez kaltetzeko eta irtenbide azkarra emateko.

Informazioaren segurtasunerako jarraibide hauek, entitateak duen informazio konfidentzialtasuna, integritatea eta disponibilitatea zaintzeko dira.

Hizkuntza aniztasunaren kudeaketaren helburuak hauek dira:

  • Bertako hizkuntzaren erabilera errespetatzea planta bakoitzean eta planten arteko komunikazioa erraztea.
  • Kanpo intereseko alderdiekin komunikazio eraginkorra ziurtatzea.
  • Euskararen aldeko dinamikak bultzatzea Euskal Herriko plantetan, euskararen normalizazioa lortzea helburua izanik.

Hizkuntza politika honetako hiru arlo nagusietan helburu orokor hauek jarraituko dira:

  • Hizkuntza paisaia eta irudi korporatiboa:
    • Bertako hizkuntza lehenetsiko da eta plantako norabide orokorretan, ingelesa ere bai.
  • Kanpo harremanak:
    • Bezeroak harreman komertzialerako, proiektu eta zerbitzuetarako aukeratu duen hizkuntzak, lehentasuna izango du.
    • Kanpo intereseko alderdiekin, harremana bertako hizkuntzan edo ingelesez izango da, eta Euskal Herrian, euskararen erabilera bultzatuko da.
  • Barne harremanak:
    • Euskal Herriko plantetan, euskararen erabilera bermatuko da.
    • Lanpostu guztiek dagokien hizkuntza eskakizuna dute esleituta.

Euskararen normalizazioa bermatzeko, erreferentea Bikain ebaluazioa izango da.

Fagor Arrasaten berdintasunarekin konprometituta jarraitzen dugu. 2019. urtean hasi genuen prozesu hau lehen Berdintasun Planaren garapenarekin, eta orain, bigarren plana abian jarri dugu, lan-ingurune bidezkoago, inklusiboago eta ekitatiboago baten aldeko apustua sendotuz. Plan berriak, desberdintasunak murrizteko, ardura partekatzeko eta genero-berdintasuna kooperatibaren identitatean integratzeko, neurri zehatzak jasotzen ditu.

Berdintasun plana

Jasangarritasun Txostena edo EINF MEMORIA (Informazio ez-finantzarioaren egoeraren memoria) Fagor Arrasaterentzat ekonomia-, gizarte- eta ingurumen-jasangarritasunerako inpaktu esanguratsuenak (Gai materialak) azaltzen dituen dokumentua da. Inpaktu horiek gure hausnarketa estrategikoan identifikatuta daude.

Bertan, estrategia eta ekonomia jasangarrirako konpromisoa batzen dira, eta, gainera, konpainiaren emaitzak erakusten dituzten adierazleak jasotzen dira.

Jasangarritasun Txostena

ZIURTAGIRIAK

Fagor Arrasate, S.Coop.

Fagor Metalforming Machine Tool (Kunshan) Co.Ltd