Luzetarako ebaketa lerroetan zure partner aditua- Fagor Arrasate

Luzetarako ebaketa lerroek bobina estuak lortzen dituzte bobina ama batetik abiatuta. Lerro horien abantaila nagusia bobinen prozesamenduan duten produktibitate handia da, duten automatizazio-maila handiari esker. Zentzu horretan, funtsezkoa da prozesu automatizatuak behar bezala finduta eta sinkronizatuta egotea, bobinatik bobinara aldatzeko denborak eta eragiketa osagarrien aldaketa denborak ere ahalik eta laburrenak izan daitezen.

FAGOR ARRASATEn, geure makinen diseinuari eta funtzionalitateari esker, produktitibate handia eta produktuaren kalitate eta fidagarritasun handia bermatzen ditugu.

Mandrinotik mandrinorako albainutze automatikoa.
Ebakitzeko makinaren buruaren aldaketa automatikoa. Geure buru ebakitzaileak, erremintak automatikoki aldatzeko duen dibidietarekin, erremintak 5 minutu baino gutxiagoan aldatzen uzten du.
Doitasun handiko ebaketa buruak. Hortzaren distantziaren doitze automatikoa eta hortza erabat automatikoki blokeatzeko sistema.
Banda tenkatzeko sistemak, materialaren eskari desberdinetara egokituak.
Robot bereizlearen ardatzaren konfigurazio automatikoa.
Produktibitate handiko lerroak, 400 m/min-ra arteko ahalmenarekin. 1.200 FPM.

Sektoreak Altzairutegiak Zerbitzu zentroa Aluminioa Siloak eta altzairuzko biltegiak

Teknologiak Luzetarako ebaketa lerroak

Ezagutu altzairu elektrikorako luzetarako gure ebaketa-lerroa

Fagor Arrasatek 50 urte baino gehiagoko esperientzia du metal eta altzairu mota desberdinen ebaketa-lerroetan. Luzetara ebakitzeko dugun lerroa kalitate eta doitasuneko goreneko estandarrak betetzeko diseinatuta dago. Lerroak teknologia aurreratua dauka, zeinak ahalik eta efizientzia eta doitasunik handiena ematen dion, beti funtsezko propietate magnetiko berdinak izango dituela eta ahalik eta energia gutxien galduko duela ziurtatuta.

SOLUZIO ERABAT AUTOMATIZATUA

HORTZEN ALDAKETA AUTOMATIKOAK

Hortzak aldatzeko eta doitzeko prozesua erabat automatikoa da, eta aldaketarako dorre adimendunekin 4 minutu baino gutxiagoan egiten da. 6 beso ere eduki ditzakete.

ZIZAILA ZIRKULARRAK BLOKEO AUTOMATIKOAREKIN

FAGOR ARRASATEren zizaila zirkularrekin zehaztasunez doitu daiteke hortzen eta sarpen zuloaren arteko lasaiera. Hortzen posizio zuzenaren mende egongo da ebaketaren kalitatea.

ARDATZ BEREIZLEEN DOIKUNTZA AUTOMATIKOA

Gure lerroek soluzio automatiko bat dute ardatz bereizleak ebaki-kopuruaren eta horien posizioaren arabera kokatzeko. Sistema erabat automatikoa da, eta konfiguragarria; beraz, langileak posizioa eta bereizleen kopurua erabaki dezake, kasuan-kasuan.

BOBINAZ ELIKATZEA ETA ALBAINUTZE AUTOMATIKOA

Bobinaz elikatzeko denborak eta albainutze denborak lerro honek ekoizten ematen ez duen denbora osoaren zati garrantzitsuak dira. Horrela, FAGOR ARRASATEk soluzio sorta oso bat dauka denbora hori minimizatzeko.

BOBINAK ATERATZEA MANDRINOAN ZUMITZEZ LOTU BEHARRIK GABE

FAGOR ARRASATEk soluzio sorta zabala du bobina Biribilkagailutik atera eta hurrengo bobinarekin ahalik eta azkarren hasteko. Zentzu horretan, pianoa duten deskargarako orgekin bobina atera daitezke mandrinoan zumitzez lotu beharrik gabe. Horrela, zumitzez lotzea organ edo irteerako dorretxoan egin liteke. Hortzak kargatzeko eta deskargatzeko robotak.

Beste ezaugarri batzuen bila zabiltza?

SOLUZIO AURRERATUAK 4.0

LERROAREN JARDUERARIK GABEKO DENBORA MURRIZTU ETA MAKINAREN ERABILGARRITASUNA HOBETZEN DU

FAGOR ARRASATEn, gure bezeroek beren instalazioei ahalik eta etekin handiena ateratzen nahi dugu, eta, horregatik, hainbat teknologia garatu ditugu prozesuak optimizatzeko, produktibitatea handitzeko, instalazioak urrutitik monitorizatzeko eta ekoizpenaren kalitatea hobetzeko, hori guztia FAGOR SMART-CONNECT kontzeptuaren barruan.

Mantentze lan prediktiboa: OEEa (Overall Equipment Efficiency) eta makinaren erabilgarritasuna ere handitzeko, hainbat parametro neurtzen dira, makinaren eta bere osagaien bizi zikloak izan dezakeen joera iragarri ahal izateko.
Prozesuko datuak kudeatzea:Ekoizpenari buruzko datuak denbora errealean aztertuz gero, arazoak aldez aurretik antzeman daitezke, langileek neurri zuzentzaileak hartu ahal izan ditzaten, eta, horrela, makinaren geldialdiak eta pieza akastunak saihestu.
Ekoizpeneko kontsumoa murriztea: Instalazio baten kontsumoa kontrolatzeak ahalbidetzen du pieza bakoitzaren kostua ebaluatzea eta instalazioa energiaren aldetik efizienteagoa izan dadin neurriak hartzea.
Ezagutza sortzea: Instalazioaren datuak biltzeak makinaren portaera aurreikustea ahalbidetzen du, baita aldagai gurutzatuen eragina ebaluatzea ere, produktibitatea hobetzeko eta instalazioaren bizi erabilgarria luzatzeko xedez.

SOLUZIO ERABAT PERTSONALIZATUAK

Hauek dira luzetara ebakitzeko lerro baten oinarrizko ezaugarriak:

Oinarrizko ezaugarriak
Banda zabalera maximoa	mm	3,000
Lodierak	mm	0.1 – 30
Ebaketako abiadura maximoa	m/min	400
Birbobinaketako abiadura maximoa	m/min	500
Ebaketa kopuru maximoa		60
Aldatzeko eta prestatzeko denbora	Min	2 – 4
Bobina pisu maximoa	Tons	40

Fagor Arrasate´s slitting line with highest quality standards

SEGURTASUN ARAURIK ZORROTZENAK

Material eta sektore ugaritarako direnez, lerro hauek hainbat soluzio osagarrirekin osatu behar dira. Hauek dira osagarri horietatik nabarmenenak:

Hortzak kargatzeko eta deskargatzeko robotak
Koipeztatzeko makinak
Lodiera eta zabalera neurtzeko gailuak
Ikuskapen automatikoko sistemak
Kontrol integratua 3 mailara arte: Integratutako kontrolek barruan dituzte monitorizazio integrala, telediagnosia, langilearentzako laguntza, multimedia informazioa, 1,2 eta 3 maila, ekoizpen kontrola, matxuren historikoa, kalitate kontrola denborako eta luzerako, alarmak eta erabaki arbolak, eta hainbat hizkuntzatan programatu daitezke hainbat herrialdetan lantegiak dituzten enpresa globalentzat.
Monitorizazio integrala eta multimediako bisualizazioa
FAGOR ARRASATEk ebaketa prozesua simulatzen du, ordenagailu bidez, ebaketa oso kalitate handiz, bizarrik gabe eta oso garbi egitea bermatuko duen ardatz egokiaren diametroa zehazteko.
Linea guztiek CE, OSHA eta bestelako arau zorrotzenak betetzen dituzte.

Soluzio jakin batean interesatuta zaude, kontsulta bat behar duzu edo aurrekontu bat nahi duzu?
Idatz iezaguzu, laguntzeko prest gaude.

BEREIZGAILU AUTOMATIKOAK EGUNERATZEA

Gure bezeroen produktibitatea hobetzeko, Fagor Arrasaten soluzio propioa garatu dugu, bereizgailuaren ardatzak automatikoki kokatzeko sistema baten bidez. Hauek dira automatizazioak ekarri dituen abantailarik garrantzitsuenak:

OEEren hobekuntza: Produktibitatea handitzea, aldaketarako denbora murriztuz. Aldaketarako denboran beste eragiketa batzuk egin daitezke, eta gehieneko denbora 2 minutukoa da.
Langileen orduak murriztea: Aldaketa bakoitzerako 15 minutu behar direla zenbatesten da, orduko 2 aldaketa, txanda bakoitzeko langileen 4 ordu gutxiago (egungo lanaren %50).
Ergonomia eta segurtasun handiagoak: Langileak ez du lerroaren prozesamendu guneetara sartu beharrik. Gainera, langileak ez ditu eskuak erabiltzen, ezta pisua kargatzen ere.
Posizionamendu zehatza: Posizionamendu akatsak eta produkzio geldialdiengatik galdutako denbora erabat murrizten dira.
Shaking sistema: Shaking sistemarekin albainutzeko laguntza.
Ebakitako ertzetan kalteak saihesten ditu: Diseinu aparta, material delikatuekin lan egiteko optimizatua, ardatzaren desplazamenduari esker eta bereizgailuen errotazio independenteari esker.
Beste marka batzuetako lerroetan instalatzea.

SLITTER TOOLING ROBOT (FASTR)

Eskulan espezializatua aurkitzeko zailtasunak eta bobinak luzetara ebakitzeko lerroen merkatuan gero eta lehiakorragoak izateko beharra direla-eta sektorean gero eta handiagoa da automatizazio maila. Horregatik, Fagor Arrasatek luzetarako ebaketako lerroetarako zizailaren ebaketa tresnak automatikoki konfiguratzeko biltegi robotizatu bat garatu du. Fagor Arrasate Slitter Tooling Robot (FASTR) izena du biltegi robotizatu horrek.

Automatizazio-maila handia aldaketa-denbora azkarretarako eta linea laburren jarduerarik gabeko denboretarako.
Aurredoikuntza-denbora azkarrak
Ekoizpen-maila handia
Ergonomia hobea
Kalitate sendoa
Langile gutxi behar dira
Funtzionamendu-kostu eta eskulan gutxiago
Mantentze-lan gutxiago
Diseinu elektrikoa optimizatua, energia-kontsumoa murrizteko
Integrazio-kontrol osoa

Informazio gehiago nahi duzu?

Luzetarako ebaketa-lerro erabat automatizatua, lodiera ertain-arinekoa, Zekelman Industriesentzat

Fagor Arrasate - Luzetarako ebaketa lerroa-Luzetarako ebaketa-lerro erabat automatizatua, lodiera ertain-arinekoa, Zekelman Industriesentzat

Fagor Arrasate - Luzetarako ebaketa lerroa-Luzetarako ebaketa-lerro automatikoa, lodiera arinekoa, Feralloyrentzat

Fagor Arrasate - Luzetarako ebaketa lerroa-

Erlazionatutako bezeroen istorioak

Erlazionatutako deskargak

Luzetarako ebaketa lerroak (ES)

Deskarga

Luzetarako ebaketa-lerroetarako bereizgailu automatikoak eguneratzea (ES)