“ALEMANIAN DUGUN ZERBITZU-KOKAPENAK AUKERA EMATEN DIGU GURE BEZEROEI LAGUNTZA AZKARRA, ADITUA ETA FIDAGARRIA ESKAINTZEKO”

Zer ezaugarri ditu Fagor Arrasatek Alemanian eskaintzen duen zerbitzuak?
Alemaniako Service lantegiak bezeroei laguntza azkarra, aditua eta fidagarria eskaintzeko aukera ematen digu. Horren barruan sartzen dira, besteak beste, mantentze prebentiboko neurriak, ordezko piezak erostea, matxuren diagnostikoa eta konponketak.

Nola laguntzen du Fagor Arrasate Deutschlanden zerbitzuak bezeroen arrakastan?
Gure Service jardueren bidez, bezeroei planifikatu gabeko makinetako geldialdi denborak murrizteko aukera eskaintzen diegu, prebentzio-neurrien bidez, produktibitatea handituz eta makinen eta langileen segurtasuna bermatuz.

Kontsultetarako, aurrekontuetarako, zerbitzu-bisiten plangintzarako eta makinen geldialdi denboretarako kontakturako gunea gara, eta gure bezeroei egunero laguntzen diegu.

Nola laguntzen du Fagor Arrasatek erabiltzeko prest dauden plantak diseinatu eta ekoizteko daukan eskarmentuak, service horretan?
Fagor Arrasatek hainbat negozio-arlotan (automobilgintza eta altzairua, esaterako) duen ekipo-kartera zabalari esker, Fagor Arrasate Deutschlandek (baita Service-dibisio osoak ere) berrikuntza tekniko ugari egin ditzake, eta bezeroei irtenbide pertsonalizatuak eskain diezazkieke salmenta osteko arloan ere.

Gaur egun, inbertsio berria murrizten ari den honetan, zer eginkizun dute erreformek gure bezeroen lehiakortasunari eusteko?
Merkatuaren egoera zaila dela eta, retrofitak gero eta garrantzitsuagoak dira. Horrela, bezeroak, bere lantegien produktibitatea handitzeko edo bere produktuen lehiakortasuna bermatzeko aukera du, lantegi berrietan inbertsio handirik egin gabe. Eta gainera, lantegiak modernizatzean, bezeroak merkatuan duen posizioa sendotu edo handitu dezake.

Zer garrantzia du Fagor Arrasate Deutschland zerbitzuko teknikarien kualifikazioak eta espezializazioak?
Zerbitzu ezin hobea bermatzeko, gure Serviceko teknikarien etengabeko prestakuntza eta espezializazioa ezinbestekoa da. Horrela bakarrik jarrai diezaiokete gure produktuek garapen teknologikoaren erritmoari eta bezeroen eskakizun espezifikoei.

Nola ikusten dituzu hazkunde-aurreikuspenak Alemaniako merkatuan?

Merkatuaren egoerak tirabiratsua izaten jarraitzen du, eta gaur egun inork ezin du esan egoera horrek zenbat iraungo duen, hornikuntza-kateek zailtasunak eragiten baitizkiete gure bezeroei. Ondorioz, inbertsioak hainbat aldiz atzeratzen edo berrikusten dira abiarazi aurretik. Gure helburua bezeroari zerbitzu ezin hobea eskaintzea izan behar da, baita garai hauetan ere, eta gure zerbitzuak egungo produkzio-geldialdietan gauzatzea.

Informazio gehiago Europan, Amerikan eta Asian ditugun ekoizpen eta zerbitzuko instalazioen inguruan.